Almatyda vaktsınatsııa qarqyny artady
Almaty qalasy ákiminiń orynbasary Erjan Babaqumarov onlaın formatta megapolıs aýmaǵynda ornalasqan jeke emhanalar basshylarymen kezdesý ótkizdi.
Keńeske qalalyq qoǵamdyq densaýlyq basqarmasynyń basshysy Narıman Tabynbaev pen «Áleýmettik medıtsınalyq saqtandyrý qory» KEAQ aýmaqtyq fılıalynyń basshysy Tileýhan Ábildaev qatysty.
Іndet kezinde jáne elde úndi shtamy aınalymynyń aǵymdaǵylardan 2 ese qaýipti ekenin eskere otyryp, qalalyq shtab halyqty vaktsınalaý jumysyn kúsheıtedi.
Erjan Babaqumarov Almatyda juqtyrýdyń jańa tolqynyn boldyrmaý úshin ujymdyq ımmýnıtettiń qalyptastyrýdy jedeldetýge nazar aýdardy
«Basty maqsat – qala turǵyndarynyń densaýlyǵy men ekonomıkanyń jumys isteýiniń jalǵyz qorǵany bolyp tabylatyn vaktsına júrgizýdi jedeldetý. Búginde halyqtyń 30%-da ujymdyq ımmýnıtet qalyptasqan, aldaǵy mindet – 70-75% qamtý. Vaktsınalaý qarqynyn tómendetýge bolmaıdy; bul COVID-19 jappaı juǵýynyń aldyn alýǵa jáne almatylyqtardyń ómiri men densaýlyǵyn qorǵaýǵa múmkindik beredi», — dedi qala ákiminiń orynbasary.
Aıta keterligi, «Halyqtyń densaýlyǵy men densaýlyq saqtaý júıesi týraly» QR Kodeksine sáıkes, medıtsınalyq kómek kórsetetin densaýlyq saqtaý sýbektileri ózgelerge qaýip tóndiretin aýrýlardyń aldyn alý boıynsha is-sharalar ótkizýge mindetti.
Vaktsına - ınfektsııanyń aldyn alýdyń jáne boldyrmaýdyń quraly.
Ujymdyq ımmýnıtet óz kezeginde medıtsınalyq qarsy kórsetkishteri bar ekpe almaǵan adamdardy, balalardy, júkti áıelderdi halyqtyń ınfektsııaǵa qarsy profılaktıkalyq ekpemen qamtýdyń shekti deńgeıine jetý arqyly qorǵaıdy.
Eske salaıyq, Almatyda 23 maýsymdaǵy jaǵdaı boıynsha barlyǵy 386 myńnan astam adam, al táýlik ishinde 5840 adam ekpe aldy.
Qalada medıtsınalyq uıymdarda, mektepterde, mádenıet, sport nysandarynda, bazar men qalanyń SOSO-da 211 vaktsına pýnkti jumys isteıdi.
