Almatyda vaktsınatsııa boıynsha arnaıy joba ázirlendi
ALMATY. QazAqparat- Almatyda vaktsınatsııa boıynsha arnaıy joba ázirlendi. Bul týraly Almaty qalalyq qoǵamdyq densaýlyq basqarmasynyń ókili, telemedıtsına ortalyǵynyń basshysy Laýra Myrzaǵalı onlaın brıfıng barysynda málim etti, dep habarlaıdy QazAqparat tilshisi.
«Qala ákiminiń tapsyrmasy boıynsha biz qazir kóp mólsherde vaktsınanyń kelýin kútip otyrmyz jáne ony bólý boıynsha arnaıy shtab quryldy. Oǵan qosa Almatynyń vaktsınatsııalaý jumysynyń josparyn jasap shyqtyq, ony búgin qala ákimimen bekitemiz. Vaktsınatsııalaý boıynsha úlken jumys atqaryldy jáne oǵan qalanyń bıznes qaýymdastyǵy da tartyldy. Qazir qaladaǵy iri saýda úıleri men bazarlarda, mektepterde vaktsına salý oryndaryn ashý máselesi qaralyp jatyr», - dedi Laýra Myrzaǵalı.
Almatyda qazir 56 ekpe salý kabıneti jumys istep tur, onyń 16-sy jekemenshik uıymdarda.
Buǵan deıin Almaty ákimi qalaǵa aı saıyn 250 myń doza vaktsına bólinetinin aıtqan bolatyn.
Sonymen qatar, sáýir aıynda megapolıste 250 vaktsına pýkteri ashylady.
Qoǵamdyq densaýlyq basqarmasy ashylatyn vaktsınalaý pýnktterin qajetti medıtsınalyq jabdyqtarmen jáne mamandarmen qamtamasyz etetin bolady. Al qarjylyq shyǵyndardy esepteýdi Almaty ákimdiginiń strategııa jáne bıýdjet basqarmasy júzege asyrady. Budan bólek, bıznes qaýymdastyq tasymaldaý, saqtaý, úı-jaı berý jáne vaktsınalaý pýnktterin uıymdastyrýǵa tegin qoldaý kórsetedi.
