Almatyda vaktsına saldyrǵandar gadjet, velosıped, turmystyq tehnıka utyp aldy

ALMATY. QazAqparat - Almatyda koronavırýsqa qarsy vaktsına alǵan turǵyndar arasynda gadjetter, turmystyq tehnıka men taý velosıped oınatyldy, dep habarlaıdy QazAqparat tilshisi.

Jetisý aýdanynda vaktsına alǵandar arasynda utys oıyny uıymdastyryldy.

Jeńimpazdar áleýmettik jeli arqyly ótken tikeleı efırde anyqtaldy.

Aýdan ákimdigi mundaı lotereıa vaktsınaǵa degen qyzyǵýshylyqty arttyratynyna senimdi.

«Lotereıaǵa qatysý úshin 2021 jyldyń 29 mamyrynan 4 maýsymyna deıin Jetisý aýdanynyń ekpe ortalyqtaryna vaktsınanyń birinshi komponentin saldyrý kerek boldy. Jeńimpazdar 5 maýsymda anyqtaldy», - dep habarlady aýdan ákimdiginen.

Utys oıynynyń nátıjıesi boıynsha 20 adam baǵaly syılyqqa ıe boldy. Atap aıtar bolsaq, Samsung S21 men Samsung A32 telefondary, taý velosıpedi, tońazytqysh.