Almatyda vaktsına pýnkteriniń jumys sapasyn baqylaıtyn top quryldy
ALMATY. QazAqparat-Almatyda ekpe pýnktteriniń jumys sapasyn jáne vaktsınalaý tehnologııasynyń saqtalýyn baqylaıtyn arnaıy jumys toptary quryldy, dep habarlaıdy QazAqparat tilshisi.
Almaty qalasy ákiminiń orynbasary Erjan Babaqumarov aýmaqtyq sanıtarlyq-epıdemıologııalyq baqylaý departamentiniń basshysy, megapolıstiń bas memlekettik sanıtarlyq dárigeri Jandarbek Bekshınmen jáne qalalyq Qoǵamdyq densaýlyq basqarmasy basshysynyń orynbasary Laýra Myrzaǵalımen birge COVID-19 qarsy vaktsınalaý pýnktteriniń jumysyn jáne qoǵamdyq oryndardaǵy shekteý sharalarynyń saqtalýyn tekserdi.
Negizgi maqsat - úndilik «delta» shtammynyń tsırkýlıatsııasy aıasynda epıdemıologııalyq ahýaldyń nasharlaýy saldarynan qalalyqtardyń ómiri men densaýlyqtaryn qorǵaý úshin vaktsınalaý qarqynyn arttyrý.
Emhanalarda, saýda oıyn-saýyq ortalyqtarynda, ýnıversıtetter men megapolıstegi bazarlarda ornalasqan vaktsınatsııa pýnktterin aralady. Olardyń ishinde, ál-Farabı atyndaǵy QazUÝ aýmaǵyndaǵy Smart helth city, Almaty Mall SOSO, «Máskeý» SOSO jáne basqa vaktsınalaý pýnktteri.
Vaktsınalaý pýnktterindegi sanıtarlyq normalardyń saqtalýyna, vaktsınanyń tıimdiligine áser etetin sýyq tizbek rejımin saqtaýǵa nazar aýdaryldy. Qalanyń barlyq aýdandaryndaǵy 208 egý pýnktinde vaktsınaǵa arnalǵan sanıtarlyq erejeler talaptarynyń saqtalýyn tekserý úshin jumys toptary quryldy.
Almaty Mall saýda-oıyn-saýyq ortalyǵyndaǵy vaktsınatsııa pýktiniń qyzmetin tekserý barysynda №18 qalalyq emhananyń terapevti Symbat Berdibek ekpe saldyrýǵa nıet bildirgender qatarynyń artýy qalalyqtardyń vırýstyń qaýpi týraly jaqsy habardar ekendikterin jáne almatylyqtardyń áleýmettik jaýapkershilikteriniń óskenin kórsetetinin atap ótti.
«Turǵyndar tarapynan qyzyǵýshylyq óte joǵary, kún saıyn bizge vaktsına alý úshin 200 - 250 adam keledi, qazirgi kezde biz 4 myńǵa jýyq adamǵa vaktsına saldyq. Vaktsınalar muzdatqysh kameralarda saqtalady, mysaly, «Spýtnık V» vaktsınasynyń dozalary -18 den -24 deıingi temperatýrada, qazaqstandyq vaktsına +2 +8 gradýs Tselsııde saqtalady», - deıdi №18 qalalyq emhananyń terapevti Symbat Berdibek.
Jumys toby sonymen birge qala ashanalarynyń biri Qaganat-qa bardy, tekserý kezinde sanıtarlyq normalar buzyldy – kelýshiler maska rejımin, áleýmettik araqashyqtyqty saqtamady.
Almaty qalasy ákiminiń orynbasary Erjan Babaqumarov jumys saparynyń qorytyndysy boıynsha onlaın formatta qalanyń medıtsınalyq uıymdarynyń basshylarymen, sondaı-aq aýdan ákimdikteriniń basshylyǵymen turǵyndarǵa medıtsınalyq qyzmet kórsetý sapasy men jumysyna baılanysty keńes ótkizdi.
Aýdan ákimdikterine medıtsınalyq uıymdarmen birge aqparattyq-túsindirý jumystaryn kúsheıtýdi tapsyrdy.
Mysaly, saýda-oıyn-saýyq ortalyǵy men SÚ-ǵa baratyn azamattar ǵımaratqa kirgen sátten bastap COVID-19-qa qarsy vaktsınatsııa múmkindigi týraly habardar bolýy jáne vaktsına alýdyń mańyzdylyǵy týraly tıisti aqparatty kórýi kerek.
Megapolıstegi epıdemıologııalyq ahýal mýtatsııalanǵan «delta» shtammynyń saldarynan ýshyǵýda. Sońǵy aptada koronavırýspen aýrýshańdyq 1,7 esege ósti.
Almaty qalasynyń ákimdigi qalalyqtardy epıdemıologııalyq qaýipsizdik erejelerin saqtaýǵa shaqyrady: maska kııýge, áleýmettik araqashyqtyqty saqtaýǵa, adamdar kóp shoǵyrlanǵan jerlerge barýdan bas tartqan jón. KVI-da qorǵanys pen baqylaýdyń jalǵyz ádisi vaktsınatsııa.
