«Almatyda vaktsına pasporty satylyp jatyr» degen aqparat tekserilýde
ALMATY. QazAqparat- Almatyda vaktsınatsııadan ótkeni týraly elektrondyq pasport satyp jatqany týraly aqparat tarady. Osyǵan baılanysty Almaty Qoǵamdyq densaýlyq saqtaý basqarmasy túsinikteme berdi, dep habarlaıdy QazAqparat tilshisi.
«Mundaı is-árekettiń qylmystyq sıpatta ekendigin jáne qylmystyq jaýapkershilikke tartylatyndyǵyn resmı túrde habarlaımyz. Osy fakt jarııalanǵan sátten bastap arnaıy qyzmettik tergeý bastaldy. Qazirgi ýaqytta vaktsınatsııadan ótý týraly elektrondy pasport berý faktisi rastalmady», - dep habarlady qoǵamdyq densaýlyq saqtaý basqarmasynyń baspasóz qyzmeti.
Qazirgi ýaqytta barlyq medıtsınalyq uıymdar, aqparattyq júıeler men málimetter bazasyn tekserý bastaldy.
«Tergeý nátıjeleri bul aqparatty rastasa, Qazaqstan Respýblıkasynyń zańnamasyna sáıkes sharalar qoldaný úshin quqyq qorǵaý organdaryna beriledi», - dep atap ótti basqarmadaǵylar.
