Almatyda vaktsına alǵandarǵa Qazaqstan týy beınelengen shokolad taratyldy

ALMATY. QazAqparat - Almatyda memlekettik rámizder kúnine oraı sanıtarlyq talaptardy saqtaı otyryp birqatar mádenı is-shara ótip jatyr, dep habarlaıdy QazAqparat tilshisi.

Almaly aýdany ákimdiginiń qyzmetkerleri vaktsına alǵan qala turǵyndaryna Qazaqstan týy beınelengen shokolad taratyp jatyr.

Aktsııa azamattyq pen patrıotızmge, óz Otanyna degen súıispenshilikke tárbıeleý, eldiń memlekettik rámizderin qurmetteýdi qalyptastyrý, sondaı-aq olardyń máni men mańyzyn túsiný maqsatynda ótkizilýde.

«Memlekettik rámizder - rýhanı kúsh-qýattyń qaınar kózi, árbir qazaqstandyq Tý, Eltańba men Ánurandy qasterleýi tıis. Bizdiń qalamyzda týdyń sımvolıkasy bar brendtik shokolad óndiriledi, ol týraly dúnıejúzi biledi, sondyqtan biz vaktsınaǵa qatysýshylarǵa shokolad syılap, merekemen quttyqtaýdy jón kórdik», – dedi Almaty qalasy Almaly aýdany ákiminiń orynbasary Aınur Bekjanova.

Vaktsınatsııalanǵandarǵa Globus SOSO, «Mega»SOCO, «MBO»SÚ, Tóle bı boıynsha HQKO egý pýnktterinde 500-den astam shokolad taratyldy.

Syılyq alǵandardyń arasynda almatylyq Abdýl Ibragımov ta bar, ol búginde otandyq vaktsına aldy.

«Biz memlekettik rámizderdi qurmettep, jastardy patrıotızmge tárbıeleý kerekpiz. Bul merekeni nasıhattaý jáne onyń tarıhyn aıtý. Men vaktsına alýǵa kelip edim, quttyqtaýlardy kórip qýandym. Meniń oıymsha, vaktsına alý jáne ujymdyq ımmýnıtetti qalyptastyrý patrıotızmdi, óz eli men halqyna degen súıispenshilikti bildiredi. Biz birge indetti jeńýimiz kerek» – dedi qala turǵyny.

Aıta keteıik, búgin keshki saǵat 19.00-de Respýblıka saraıy ǵımaratynyń aldynda orkestrdiń qatysýymen memlekettik gımn oryndalady.