Almatyda vaktsına alǵandar arasynda iPhone 12 oınatylyp jatyr
ALMATY. QazAqparat – Almatyda vaktsınanyń birinshi komponentin saldyrǵandar lotereıaǵa qatysyp, baǵaly syılyq uta alady, dep habarlaıdy QazAqparat tilshisi.
Mundaı shara qaladaǵy birneshe bazar men saýda ortalyqtaryndaǵy vaktsınalaý pýnkterinde ótkizilip jatyr.
Máselen, 22-31 mamyr aralyǵynda Jibek joly kóshesi men Abylaı han dańǵylynyń qıylysynda ornalasqan «TsÝM» saýda ortalyǵynda oınatylady.
Vaktsına saldyryp, iPhone 12 uıaly telefonyn utyp alýǵa múmkindik bar.
IPhone 12 utys oıyny 2021 jyly 31 mamyrda saǵat 12.00-de ótedi.
Vaktsınatsııa jasalǵan kúni siz utys oıynynyń kýponyn alasyz, ol sizge TsÝM saýda úıiniń dúkenderinde qosymsha jeńildikter alýǵa múmkindik beredi.
Utys oıynynyń jeńimpazy naýqanǵa qatysýshylar arasynda kezdeısoq tańdaý arqyly anyqtalady.
Іrikteý nátıjesi Instagramdaǵy TSUM resmı paraǵynda 31 mamyr kúni jarııalanady.
Jeńimpaz TsÝM vaktsınatsııa ortalyǵynda berilgen tirkeý talony jáne jeke kýáligi bolǵan jaǵdaıda ǵana syılyq alady.
Aktsııa Almaly aýdanany ákimi apparatynyń qatysýymen uıymdastyrylýda.
Aıta keteıik, buǵan deıin «Stroı sıtı», «Aqbulaq» saýda ortalyqtary men «Jibek joly» bazarynda oınatylǵan bolatyn.
Aktsııanyń basty maqsaty - pandemııamen kúresý, halyqty ujymdyq ımmýnıtetti qalyptastyrý úshin vaktsına alýǵa yntalandyrý.
