Almatyda vaktsına alǵandar arasynda 100 myń teńgeniń sertıfıkaty oınatyldy

ALMATY. QazAqparat- Almatyda vaktsına alǵan turǵyndar arasynda 100 myń teńgeniń aqshalaı sertıfıkattary oınatyldy, dep habarlaıdy QazAqparat tilshisi.

Іs-shara 14 maýsym kúni «MART» saýda ortalyǵynda ótti.

Vaktsınanyń birinshi komponentin alǵandar 10 myń men 100 myń teńge somasynda aqshalaı sertıfıkattar alý úshin baq synasty.

«KazFerroStal» JShS dırektorynyń orynbasary Tólegen Tájibaev zaýyt jumysshylarynyń basym bóligi óz erkimen koronavırýsqa qarsy ekpe alǵanyn aıtty.

«Іndetti toqtatý kerek. Barlyǵyna vaktsına qajet, bul – árkimniń ózi jáne basqalar úshin jaýapkershiligi. Ujymdyq ımmýnıtetti qalyptastyryp, vırýsty joıý qajet. Sondyqtan barlyǵynyń vaktsına saldyrýǵa qatysýy óte mańyzdy», - dedi Tólegen Tájibaev.

Bas júldeni- 100 myń teńgeniń sertıfıkatyn J. Shaıhıev aldy, 10 myń teńgeniń sertıfıkattaryn A. Turǵanbaeva, J. Qalıeva, J. Kýtýlýkov, E. Jaqsylyqov jáne A. Kamal jeńip aldy.

«Koronavırýs – óte qaýipti aýrý. Kóptegen tanystarym aýyrdy. Sondyqtan men vaktsına alamyn, óıtkeni óz densaýlyǵyma alańdaımyn. Vaktsına alǵan kezde maǵan syılyqtar beretinin aıtty, júldeli bolamyn dep oılamadym», - dedi qala turǵyny.