Almatyda V-shi «DIDAR» Respýblıkalyq jastar kınofestıvali ótip jatyr

dep habarlaıdy QazAqparat.

Dástúrge aınalǵan festıval bıyl «Jańa onjyldyq - Qazaqstan jastarynyń jańasha serpilisi!» uranymen VII qysqy Azııa oıyndaryn nasıhattaý aıasynda jáne Qazaqstannyń EQYU tóraǵalyq etý qurmetine oraı ótýde.

Sharany uıymdastyrýshylar - Almaty qalasy Jastar saıasaty jónindegi basqarmasy, «DIDAR» prodıýserlik ortalyǵy» qoǵamdyq qory men Almaty qalasy Jastar saıasatyn damytý memlekettik qory jáne T.Júrgenov atyndaǵy Qazaq Ulttyq óner akademııasy.

Besinshi ret ótetin jastar kınofestıvaliniń maqsaty - jas rejısserlerge kınoóndiristiń kásibı ókilderiniń nazaryn aýdartyp, operatorlar men dybys rejısserleri, stsenarıstermen áriptestik ornatý, kópshilik kórermender qyzyǵýshylyǵyn jastar shyǵarmashylyǵyna aýdarý, Memlekettik tildegi jáne patrıotızmdi damytýǵa arnalǵan týyndylarǵa qoldaý kórsetý, oqý oryndary men shyǵarmashylyq ujymdar arasyndaǵy baılanysty nyǵaıtyp, qatynas ornatý, ádis-tásil almasý, kórermenderdi qysqa metrajdy jáne derekti fılmderge tartý.

Resmı ashylý saltanatynan keıin kınofestıval óz jumysyn baıqaý fılmderiniń kórsetilimimen bastady. Festıvaldiń birinshi kúninde 36 fılm kórsetiledi. Onyń ishinde mýzykalyq klıpter, anımatsııalyq, kórkem jáne derekti fılmder bar. Іriktelip baıqaýǵa jiberilgen týyndylardyń eń úzdigin QR eńbek sińirgen qaıratkeri, professor, kınotanýshy Baýyrjan Nógerbektiń tóraǵalyǵymen arnaıy qurylǵan ádil qazylar alqasy 18 atalym boıynsha tańdap, anyqtaıtyn bolady.

«Bıyl festıval respýblıkalyq dárejege ıe boldy, alǵash bastalǵanda stýdenttik kınofestıval bolatyn. Jyldan- jylǵa mártebesi artyp, qanatyn jaıyp kele jatqanyna qýanyshtymyz. Meni búgingi jastardyń kıno ónerine áýesqoı retinde ǵana qaramaı, kásibı deńgeıde qarap, sapaly fılmderdi jasaǵandary, túrli janrda ár túrli fılmderdi túsire alatyndyqtary qýantty. Biz olardyń boıynan alǵa jyljýdy baıqap, yntalarynyń artqanyn kórdik. Qazaqstanda jas, talantty kınematografıster ósip kele jatyr dep nyq senimmen aıta alamyn. Sondyqtan, biz olarǵa qoldaý kórsetýimiz kerek. Bul baıqaý olarǵa jańa múmkindikterdi ashýyna yqpal etedi dep oılaımyn», dedi «DIDAR» Respýblıkalyq jastar kınofestıvaliniń art-dırektory, irikteý komıssııasynyń tóraǵasy, kınotanýshy Názıra Muqysheva. Onyń aıtýynsha, baıqaýǵa qatysýǵa 146-dan asa ótinish pen jumys kelip túsken. «Onyń 90-yn irikteý komıssııasy baıqaýǵa jiberdi. Bıyl ótken jylǵa qaraǵanda ótinishter kóp tústi. Jeńimpazdarǵa 18 atalym boıynsha 2 júldeden taǵaıyndaldy, biri stýdentterge, ekinshisi shyǵarmashylyq ujymdardan túsken jumysqa beriledi. Árıne, gran-prı bireý bolady», dedi Názıra Muqysheva.

Festıval aıasynda kórsetilimdermen qatar, sheberlik dárister, «Qazaqstandaǵy jastar kınosy - álemdik kıno ındýstrııadaǵy orny» atty dóńgelek ústel otyrysy, baıqaýdan tys aqparattyq fılmderdiń kórsetilimi ótedi.