Almatyda «V Rysqulov oqýlary - Ryskulov Readings» halyqaralyq ǵylymı forýmy ótedi
ALMATY. Sáýirdiń 29-y. QazAqparat / Ádilet Musahaev / - Almatyda mamyrdyń 19-21 aralyǵynda «V Rysqulov oqýlary - Ryskulov Readings» atty halyqaralyq ǵylymı forým ótedi,
dep habarlaıdy QazAqparat.
Atalmysh forýmdy QR Bilim jáne ǵylym mınıstrliginiń qoldaýymen T.Rysqulov atyndaǵy Qazaq ekonomıkalyq ýnıversıteti uıymdastyrmaq.
Oqýlarǵa álemniń 12 elinen 600-den asa ókil qatysady, onyń ishinde mınıstrlik pen vedomstvo basshylary, bank, kompanııa men mekemelerdiń, halyqaralalyq uıymdardyń jáne Qazaqstanda tirkelgen sheteldik elshilik ókilderi bolmaq.
Sondaı-aq forýmǵa 2006 jylǵy ekonomıka salasy boıynsha Nobel syılyǵynyń laýreaty, Kolýmbııa ýnıversıtetiniń professory (AQSh) Edmýnd Felps, QR Bilim jáne ǵylym mınıstri Janseıit Túımebaev, «Samuryq-Qazyna» UÁQ AQ basqarma tóraǵasy Qaırat Kelimbetov, QR Ulttyq bank tóraǵasy Grıgorıı Marchenko, sonymen qatar AQSh, Chehııa, Túrkııa, Ulybrıtanııa, Frantsııa, Qytaı men Reseı elderiniń tanymal ekonomısteri qatysady dep kútilýde.
