Almatyda úzdiksiz ekonomıkalyq bilim berýge arnalǵan konferentsııa óz jumysyn bastady

Onyń jumysyna Bilim jáne ǵylym mınıstrligi departamentteriniń basshylary, ROÁK oqý-ádistemelik sektsııa músheleri, sheteldiń jáne Qazaqstannyń JOO-nyń, ǵylymı jáne bıznes ortanyń ókilderi, kolledj, orta mektep dırektorlary men ustazdar qaýymy, bıznes-bilim, qaıta daıarlaý men biliktilikti kóterý baǵdarlamalaryn uıymdastyrýshylar qatysýda.

Úsh kúnge sozylatyn konferentsııa barysynda «Joǵary bilim sapasyn kepildendirý júıesi», «Úzdiksiz ekonomıkalyq bilim berý jáne bıznes jaǵdaıyndaǵy oqytýdyń jańa tehnologııalary», «Adamzat kapıtalynyń damýy: bilim berý qurylymdarynyń úlesi» atty taqyryptar talqylanatyn bolady. Shara aıasynda qazaqstandyq JOO-nyń bilim berý úrdisine ECTS-tiń, esepteý jáne kredıtti jınaqtaýdyń Eýropalyq júıesi engizilýine arnalǵan semınar, «Bilim berý baǵdarlamalaryn quzyrettilik turǵysynan jobalaý» atty dóńgelek ústel otyrysy men «Bilim berýdegi kóshbasshylyqty damytý» jáne «JOO-daǵy korporatıvtik basqarý» taqyrybynda sheberlik synyptar ótkizilmek.

Al oqý-ádistemelik sektsııasnyń májilisinde QR joǵary bilim berý standarttaryn ECTS talaptaryna sáıkestendirý, Qazaqstandaǵy JOO-da oqıtyn stýdentterdiń akademııalyq belsendiligi men ekonomıkalyq bilim berý baǵdarlamalarynda oqý-ádistemeliktermen qamtamasyz etý máseleleri qaralmaq.

Konferentsııanyń ashylý saltanaty «2010 jylǵy kitap naryǵyndaǵy Qazaqstandaǵy oqý jáne oqý-ádistemelik basylymdarǵa bıblıografııalyq sholý» atty kórmeniń ashylýmen bastaldy.

Konferentsııanyń ashylýynda sóz sóılegen T.Rysqulov atyndaǵy Qazaq ekonomıkalyq ýnıversıtetin rektory Álı Ábishev: "Konferentsııa tájirıbe almasýǵa yqpal etip qana qoımaı, bilim berýde, oqý protsesin uıymdastyrýda jańa ádistemeler men ınnovatsııalardyń dúnıege kelýine yqpal etetin alań bolaryna senemin", -dedi. Jıynda ol bilim salasynyń álem boıynsha alatyn ornyn, sonymen qatar, JOO-nyń 2020 jylǵa deıin qabyldanǵan jańa strategııasyn aıtyp ótip, baǵdarlama boıynsha ýnıversıtettiń Ulttyq halyqaralyq akkredıtatsııadan ótýi qajet dep atap ótti.

Onyń aıtýynsha, bul konferentsııa bilim salasy boıynsha qabyldanǵan memlekettik baǵdarlamadan keıin birinshi ret ótkizilgeli otyr. Álı Ábishevtiń pikirinshe, úzdiksiz ekonomıkalyq bilim berý mektepke deıingi bilim berý kezinen bastalýy kerek.

Atalmysh shara barysynda úsh kún boıy oqý ornynda ekonomıkalyq jáne bıznes ádebıetter kórme- jármeńkesi ótedi.