Almatyda úzdiksiz ekologııalyq bilim berý arqyly ekologııalyq jaǵdaıdy sheshý máselesi talqylandy
ALMATY. 25 sáýir. QazAqparat /Ádilet Musahaev/ - Almatydaǵy Abaı atyndaǵy Qazaq ulttyq pedagogıkalyq ýnıversıtetinde Qazaqstannyń Táýelsizdiginiń 20 jyldyǵyna, Chernobyl apatynyń 25 jyldyǵyna jáne Semeı polıgonynyń jabylýyna 20 jyl tolýyna baılanysty «Abaı atyndaǵy Qazaq Ulttyq pedagogıkalyq ýnıversıtetiniń stýdentteri ıAdrolyq qarýǵa qarsy» atty dóńgelek ústel ótti.
Jıyn barysynda úzdiksiz ekologııalyq bilim berý arqyly ekologııalyq jaǵdaıdy sheshý, Semeı polıgonynyń ótkeni jáne keleshegi zertteýshilerdiń kózqarasymen qaralyp, vıdeorolık, Jer anamyzdy ıadrolyq qarýdan qorǵaý búgingi kúnniń talaby, Qorshaǵan ortaǵa áser etýshi geoekologııalyq faktorlar, radıatsııanyń adam aǵzasyna tıgizetin áseri, ekologııalyq ahýaldy jaqsartýǵa baǵyttalǵan is- sharalar, Chernobl, AES apaty jaıly máseleler talqylanyp, baıandamalar oqyldy .
Sharaǵa ál-Farabı atyndaǵy QazUÝ-diń oqytýshysy, bıologııa ǵylymdarynyń doktory, professor Ulybrıtanııa ekologtar qoǵamynyń tolyq múshesi Aıtqoja Begalıev, radıatsııalyq gıgıena jáne radıologııa bóliminiń meńgerýshisi, medıtsına ǵylymdarynyń kandıdaty Nysanǵalı Qojahmetov, Almaty qalasy ákimdiginiń tabıǵı resýrstar jáne tabıǵatty paıdalanýdy retteý basqarmasynyń bas mamany Gúljazıra Shabdan Qajpaqparqyzy, Tárbıe jumysy, jastar saıasaty jáne memlekettik tildi damytý basqarmasynyń bas mamany Anar Alımbekova jáne Abaı atyndaǵy Qazaq ulttyq pedagogıkalyq ýnıversıtetiniń bilikti oqytýshy-professorlary qatysyp, óz oılaryn ortaǵa saldy.
Jıyndy atalǵan JOO-nyń Tárbıe jumysy, jastar saıasaty jáne memlekettik tildi damytý basqarmasy jáne geografııa-ekologııa fakýlteti, ekologııa jáne qorshaǵan ortany qorǵaý kafedrasy uıymdastyryp otyr.
