Almatyda úzdik jýrnalıster marapattaldy
ALMATY. QazAqparat - Almatyda úzdik jýrnalıster marapattaldy, dep habarlaıdy QazAqparat tilshisi.
Búgin qala ákimi Baýyrjan Baıbek, QR Aqparat jáne kommýnıkatsııa vıtse-mınıstri Alan Ájibaev «Myń boıaýly qala - Gorod tysıachı krasok» baıqaýynyń jeńimpazdaryn marapattady.
«Úzdik gazet maqalasy» sanaty boıynsha «Túrkistan» gazetiniń tilshisi Dınara Jeldibaeva jeńimpaz atandy. Al «Úzdik radıomaterıal» nomınatsııasy boıynsha eki jýrnalıst - «Astana» radıosynyń mýzykalyq redaktory Áıgerim Bilálova men «Qazaq radıosynyń» jýrnalısi Aman Tasyǵan júldeni ózara bólisti. Qazaqtardyń Dúnıejúzilik qaýymdastyǵy saıtynyń redaktory Erlik Kebekbaı ǵalamtordaǵy úzdik materıal nomınatsııasyn jeńip aldy. Úzdik ınfografıka júldesin «IGRAPHIC» dızaın bıýrosynyń bas dırektory Baǵlan Aıdashov alsa, Janna Ahmetova áleýmettik jelilerde úzdik posttary úshin marapattaldy. Maksım Zolotýhınniń jumystary úzdik fotomaterıaldar dep tanyldy, al «Úzdik televızııalyq sıýjet» nomınatsııasy boıynsha «Habar agenttigi» AQ Almaty fılıalynyń tilshisi Ulan Narynbek pen «Astana» telearnasynyń jýrnalısi Ádil Ónerbaevtar jeńimpaz atandy.
