Almatyda «Úzdik jańa jyldyq bezendirý» baıqaýy qorytyndylandy
ALMATY. QazAqparat- Almatyda «Úzdik jańa jyldyq bezendirý» konkýrsynyń qorytyndysy shyǵaryldy, dep habarlaıdy QazAqparat tilshisi.
Bul baıqaýǵa qalanyń 295 kásipkerlik nysany men túrli mekemeler qatysty. Uıymdastyrýshylar atap ótkendeı, jumystardy baǵalaý barysynda nysandardyń syrtqy kelbeti men mańaıdaǵy aýmaqtardy bezendirýdegi kreatıvtilik, kórkemdik erekshelik jáne utymdy kompozıtsııalyq sheshim basty nazarǵa alyndy.
Konkýrs 12 nomınatsııa boıynsha ótti.
«SKO úzdik bezendirý» nomınatsııasy boıynsha «Mega Park», «Qonaq úıdi úzdik bezendirý» boıynsha «The Ritz-Carlton Almaty» qonaq úıi jeńimpaz atandy. Óndiris oryndary arasynda «Nobel» farmatsevtik fabrıkasy júldeger dep tanyldy. «Bıznes-ortalyqty úzdik bezendirý» júldesi Eýrazııalyq qamsyzdandyrý kompanııasyna berildi. Oqý oryndary arasyndaǵy básekede № 157 mektep pen S.D. Asfendııarov atyndaǵy QazUMÝ jeńimpaz atandy. Tamaqtaný oryndaryn, medıtsına jáne mádenı - demalys mekemelerin bezendirý boıynsha (dúkender, dámhanalar, meıramhanalar jáne basqalary) Urban coffee dámhanasy, Villa dei Fiori meıramhanasy, «Almaty» sanatorııi, «APTEKAPLıÝS» dárihanasy, Ayrat nadrov dúkeni men «Ellada» sulýlyq salony úzdik dep tanyldy.
Aıta keteıik, «Jańa jyldyq úzdik bezendirý 2019» konkýrsyna qatysý úshin ótinimdi 2019 jyldyń 1 qazanyna deıin berý qajet. Nysandardy bezendirý 2019 jyldyń 15 qarashasynda aıaqtalýy jáne bezendirý 2019 jyldyń 1 jeltoqsanynan 2020 jyldyń 15 aqpanǵa deıin saqtalýy tıis. Konkýrsqa óz ǵımarattarynyń syrtyn jáne jaqyn ornalasqan aýmaqty bezendirgen kez-kelgen kásiporyn, shaǵyn jáne orta bıznes obektileri, qala mekemeleri qatysa alady.
