Almatyda uıymdasqan qylmystyq toptyń músheleri quryqtaldy
ALMATY. Naýryzdyń 13-i. QazAqparat /Ádilet Musahaev/ - Almaty ІІB-nyń ýaqytsha oqshaýlaý abaqtysynda birqatar qaraqshylyq shabýyldar jasap, páter tonaýmen aınalysyp kelegen uıymdasqan qylmystyq toptyń 5 múshesi qamaýda otyr,
dep habarlaıdy QazAqparat ІІB baspasóz qyzmetine silteme jasap.
Qylmyskerler Shyǵys Qazaqstan oblysy, Úrjar aýdanynyń turǵyndary bolyp tabylady.
«Bul top kásipkerlerdiń fırmalaryna qarýmen basa-kóktep kirip, seıftegi aqshany urlaýmen aınalysyp kelgen. Sondaı bir árekettiń qurbanyna kóp balaly áıel de dýshar bolǵan», deıdi Almaty qalasy ІІB uıymdasqan qylmyspen kúres basqarmasy bastyǵynyń orynbasary Baqyt Balǵymbaev.
Qylmyskerler adamdardy qorqytý úshin travmatıkalyq tapansha, armatýra, kastet jáne seıfterdi ashatyn quraldar paıdalanǵan. Polıtseıler osy atalǵan qarý-jaraq qoımasyn Karmysov kóshesinde turyp jatqan úılerinde kezekti shabýyldy josparlaý kezinde quryqtaǵan.
«Iıa, bizde bul adamdardyń jaqyn kúnderi qarýly shabýyl jasaıtyndyǵy jaıly jedel aqparat boldy. Olar qylmys barysyndaǵy ár qatysýshynyń rólin talqylaý maqsatynda ádeıi jeke turǵyn úıdi jaldaǵan. Qylmystyq topty quryqtaýǵa arnalǵan operatsııa sátti ótti. «Arlan» arnaıy qarýly bólimshe jaýyngerleriniń arqasynda kúdiktilerdi ustaý qıynǵa soqpady. Olardyń qarsylyq kórsetýge de shamasy bolmady», deıdi B.Balǵymbaev.
Qylmystyq top músheleriniń qaraqshylyq shabýyl men urlyq jasaǵandary úshin qylmystyq jaýapkershilikke birneshe ret tartylǵany belgili boldy.
Qazirgi kúni polıtseıler olardyń basqa da qylmystyq áreketterge qatysy bolýyn anyqtaýda.
