Almatyda uıymdasqan qylmystyq toptar jasaǵan 232 qylmystyń beti ashyldy
ALMATY. QazAqparat - Almatyda qala ákimi Ahmetjan Esimovtyń tóraǵalyǵymen Іshki ister departamentiniń birinshi jartyjyldyqta atqarǵan jumystaryn qorytyndylaǵan otyrys ótti. Bul týraly búgin Almaty qalasy ákiminiń baspasóz qyzmetinen habarlady.
Almaty ІІD bastyǵy Serik Kúdebaevtyń aıtýynsha, qalada krımınaldyq jaǵdaı tolyq baqylaýǵa alynǵan. Birinshi jartyjyldyqta uıymdasqan qylmystyq top qurý jáne basqarý sekildi qylmystar - 33,3 paıyzǵa, aqsha bopsalaý - 9,5 paıyzǵa, avtokólik urlaý - 9,3 paıyzǵa, tonaýshylyq - 6,3 paıyzǵa, páter tonaý - 4,4 paıyzǵa azaıǵan. Uıymdasqan qylmystyq toptar jasaǵan 232 qylmys, solardyń ishinde tórt ret adam urlaý faktisi, 9 - aqsha bopsalaý, 15 - zańsyz qarý saqtaý deregi jáne zańsyz esirtki aınalymyna qatysty jeti qylmystyń beti ashyldy.
ІІD Uıymdasqan qylmysqa qarsy kúres jónindegi basqarmasynyń esebinde turǵan 28 adam ustalyp, qylmystyq jaýapkershilike tartyldy. Sonymen qatar, qylmystyq ortanyń tórt bedeldi serkesi jáne qylmystyq qoǵamdastyqtyń eki kóshbasshysy ustaldy.
Óz sózinde A. Esimov Almaty qalasynyń turaqty ekonomıkalyq ósimin qamtamasyz etý boıynsha qabyldanyp jatqan sharalar ishki ister organdaryn qarjylandyrýdy arttyrýǵa múmkindik bergenin atap ótti. Sońǵy úsh jyl ishinde ІІD-ine 55 mlrd. teńge bólindi. Onyń ishinde 6,9 mlrd. teńge atalmysh salany materıaldyq-tehnıkalyq jaǵynan nyǵaıtýǵa baǵyttaldy.
«Qarjylyq qoldaý kórsetýdiń jáne materıaldyq-tehnıkalyq bazany nyǵaıtýdyń arqasynda qylmystylyqqa qarsy tıimdi áreket etýge jáne qoǵamdyq tártipti qamtamasyz etýge barlyq jaǵdaı jasaldy. Deıturǵanmen, jańa tehnologııalar jáne ozyq halyqaralyq tájirıbelerdi qoldana otyryp, jumys isteýdiń jańa tıimdi ádisterin engizý qajet. Kez-kelgen qalanyń bedeli - onyń óz turǵyndaryn ǵana emes, qonaqtarynyń da qaýipsizdigin laıyqty qamtamasyz etý múmkindiginen quralady», - dedi ákim.
Ol sonymen qatar, ІІD bıýdjeti 20,1 mlrd. teńge kóleminde bekitilgenin atap ótti. ıAǵnı bul, 2014 jylmen salystyrǵanda 2,7 mlrd. teńgege artyq. Onyń ishinde 12,4 mlrd. teńge nemese 64 paıyzy qala bıýdjetinen bólinip otyr. 2013-2014 jyldary 258 jańa avtokólik satyp alyndy. Bul ІІD avtoparkiniń úshten bir bóligin jańartýǵa múmkindik berdi. Qazirgi tańda qala bıýdjetinen taǵy da 97 avtokólik satyp alýǵa 501 mln. teńge bólý kózdelgen.
A. Esimov tıisti organdarǵa qalada krımınogendik jaǵdaıdy jaqsartý boıynsha naqty tapsyrmalar júktedi. Mysaly, olardyń ishinde shet eldik azamattar tarapynan jasalatyn qylmystar men quqyqbuzýshylyq áreketterdiń jolyn kesý jáne aldyn alý boıynsha kóshi-qon polıtsııasynyń jumysyn kúsheıtý, aıyppuldardy ótep alýdyń tıimdi mehanızmderin qarastyrý, aýdan ákimderimen birlese otyryp, qalǵan aýlalarǵa beınekameralar ornatý jumystaryn jalǵastyrý, qasaqana jalǵan aqparat taratý áreketterine qarsy der kezinde barabar áreket jasaý sekildi tapsyrmalardy aıtýǵa bolady.
