Almatyda úılerdiń balkony men terezelerine temir tor ornatylýy múmkin
ALMATY. QazAqparat - Almatyda kópqabatty úılerdiń terezesinen balalardyń qulap ketý oqıǵalary jıilep ketti. Osyǵan baılanysty qalanyń dızaı-kod jobasyna ózgertý engizilip, úılerdiń balkondary men terezeleri temirmen qorshalýy múmkin, dep habarlaıdy QazAqparat tilshisi.
«Almatynyń dızaın-kod jobasy balkondar men terezelerge qatysty ózgerýi múmkin. Qujatqa tolyqtyrýlar engiziletin bolady. Bul sheshim balalardyń qaýipsizdigin qamtamasyz etý maqsatynda qabyldandy. Qazirgi ýaqytta qujat ázirlený ústinde», – dedi Almaty qalalyq Josparlaý jáne ýrbanıstıka basqarmasynan.
Buǵan deıin Tótenshe jaǵdaılar departamenti kún jylynǵan kezde balalardyń terezeden qulaý oqıǵalary jıileıtinin habarlaǵan bolatyn.
Jyl basynan beri Almaty qalasynda osyndaı úsh jaǵdaı tirkeldi. Onyń biri 1 maýsym kúni boldy.
Dızaın-kod – qalany, qala kóshelerin, qoǵamdyq aımaqtardy bezendirýdiń biryńǵaı sáýlettik stıli. Jobanyń maqsaty – ǵımarat qasbetteriniń elementterine qoıylatyn biryńǵaı talapty ázirleý: kireberis, mańdaıshalar, aqparattyq taqtalar, balkon qorshaýlary, aýabaptaǵysh jáne t.b.
