Almatyda úılerdiń aýlasyna shlagbaým ornatýǵa tyıym salynady
ALMATY. QazAqparat - Almatyda turǵyn úılerdiń aýlalaryna shlagbaým ornatýǵa jáne bólshektelgen avtomobıl qoıýǵa tyıym salynady. Bul týraly IV shaqyrylymdaǵy máslıhat depýtattarynyń 2007 jyldyń 12 jeltoqsanyndaǵy VI sessııasy 16-pýnktiniń jańalanǵan redaktsııasynda aıtylǵan, dep habarlaıdy QazAqparat tilshisi.
Qala bıligi osylaısha aýlalarǵa arnaıy kólikterdiń kirýine jaǵdaı jasamaq.
Budan bylaı pýltpen basqarylatyn shlagbaýmdar ornatýǵa tyıym salynatyn bolady.
«Endi aýlalarda túrli bloktar, qorshaýlar, aǵashtar ornatýǵa zańmen tyıym salynady. Sonymen qatar bólshektelgen avtomobılderdi qoıýǵa da bolmaıdy. Olar arnaıy turaqtarǵa qoıylýy tıis», - delingen qujatta.
Al eger belgili bir turǵyn úı kesheni nemese birneshe nysan ornalasqan ortaq aýla bolǵan jaǵdaıda shlagbaým ornatylady. Alaıda, qorshaýdyń mańaıynda táýlik boıy jumys isteıtin beket bolýy kerek. Sonymen qatar qorshaýdy mehanıkalyq jolmen ashýǵa múmkindik qarastyrylýy qajet.
Qujat 2018 jyldyń 13 aqpanyna deıin qoǵam talqylaýynda bolady.
Bul sheshimdi iske asyrý Almaty qalalyq máslıhatynyń Eńbek, jumyspen qatý, kólikti damytý komıssııasy tóraǵasyna júkteldi.
