Almatyda úıler men páterler tonalyp jatqan joq - polıtsııa

ALMATY. QazAqparat- Almaty polıtsııasy turǵyndardyń páterleri men úıleri tonalǵany týraly aqparat shyndyqqa janaspaıtynyn málim etti, dep habarlaıdy QazAqparat tilshisi.

«Almaty polıtsııa departamenti qala turǵyndarynyń páterleri men úıleri tonalǵany, sondaı-aq «102» qyzmeti sıgnaldarǵa jaýap bermeıtini týraly aqparat shyndyqqa janaspaıtynyn habarlaıdy. Qalalyq PD basqarmasy jedel basqarý ortalyǵy shtattyq rejımde jumys istep jatyr. «102» pýltine túsken ár habarlama ýaqytyly óńdeledi», - delingen habarlamada.

Tártip saqshylary turǵyndardy jalǵan aqparatqa senbeýge jáne ony taratpaýǵa, tek resmı aqparat kózderine senýge shaqyrdy.

Aıta keteıik, Almatyda lańkestikke qarsy arnaıy operatsııa bastaldy.

Terrorısterge qarsy arnaıy operatsııa barysynda qala áýejaıy bosatyldy.