Almatyda «Uıqydaǵy arý» baletiniń tusaýkeseri ótpek
ASTANA. QazAqparat - Almatylyqtardyń nazaryna álemdik klassıka jaýhary Petr Chaıkovskııdiń «Uıqydaǵy arý» baletiniń tusaýkeseri usynylmaq, dep habarlady www.24.kz.
Spektakldi sahnalaýǵa áıgili sahna sheberleri - aty ańyzǵa aınalǵan balerına Gabrıela Komleva men dúnıejúzine tanymal qoıýshy-sýretshi Vıacheslav Okýnev arnaıy shaqyryldy. Osydan 124 jyl buryn Sankt-Peterbordyń ataqty sahnasynda alǵash qoıylǵan spektaklge almatylyq balet trýppasy túgel jumyldyrylǵan. Horeografııalyq ýchılışeniń daryndy jastary da atsalysýda. Al basty partııalardy oryndaıtyn Qazaqstannyń Eńbek sińirgen qaıratkeri - Gýlvıra Qurbanova men Dınara Esentaeva, Halyqaralyq baıqaýlardyń júldegerleri - Aıdos Zaqan men Farhad Býrıev ózderine júktelgen jaýapkershilikti aıryqsha sezinedi.
Sharl Perronyń ertegisi jelisimen jazylǵan P.I.Chaıkovskııdiń qaıtalanbas týyndysy jaqsylyq pen jamandyqtyń kúresine negizdelgen. Máńgilik taqyrypqa arnalǵan shyǵarma tusaýkeseri zııaly qaýym nazaryna jeltoqsannyń 27-de usynylady.
