Almatyda úıinen ketip qalǵan apaly-sińlili qyzdar vokzaldan tabyldy
ALMATY. QazAqparat - Almatyda úıinen ketip qalǵan apaly-sińlili qyzdar tabyldy, dep habarlaıdy QazAqparat.
17 jastaǵy Ámına Ámir jáne 5 jasar Rozalı Ámirova 10 aqpan kúni tańerteń Almaty oblysy Іle aýdany Qosózen aýylyndaǵy úıinen shyǵyp ketkennen qaıtyp oralmaǵan.
Polıtsııa men «Lıder» eriktiler toby olardy eki táýlik boıy tynymsyz izdedi.
Eki qyzdyń sýreti búkil polıtsııa bólimderine joldanyp, áleýmettik jelilerde jarııalandy.
11 aqpan keshkisin qyzdardyń Almatynyń Aınabulaq-2 shaǵynaýdanynda kameraǵa túsip qalǵany belgili boldy. Sońǵy márte olardy «Aǵaıym» kafesinen kórgen.
12 aqpan túnde Ámına men Rozalı Almaty-1 temirjol vokzalynan aman-esen tabyldy.
«Іle aýdany polıtsııa basqarmasynyń jedel ýákili, aǵa leıtenant Qýatbek Ahmetbekovke, sondaı-aq osy polıtsııa basqarmasy ıývenaldy polıtsııasynyń ýchaskelik ınspektory Aıda Esimbekovaǵa alǵys aıtamyz», - deıdi volonterler.
Apaly-sińlili qyzdar ata-anasyna tapsyryldy.
