Almatyda úıinde janjal shyǵarǵan mas adamǵa shara qoldanylady
ALMATY. QazAqparat- Almaty úıleriniń birinde mas adam janjal shyǵardy, áıeli balasyn alyp, polıtsııa shaqyrtýǵa májbúr boldy, dep habarlaıdy QazAqparat tilshisi.
Almaty qalalyq Polıtsııa departamenti bul oqıǵa Almaly aýdanyndaǵy úılerdiń birinde bolǵanyn habarlaıdy.
«102» pýltine jergilikti turǵyn qońyraý shalyp, kúıeýi - 1984 jyly týǵan R. esimdi azamat, qatty mas bolǵanyn, otbasynda janjal shyǵarǵanyn, nátıjesinde áıel adam kenje balasyn alyp, syrtqa shyǵyp, polıtsııa shaqyrtýǵa májbúr bolǵanyn aıtty»,-dedi Almaly aýdandyq Polıtsııa basqarmasynyń bastyǵy, polıtsııa polkovnıgi Esen Ysqaqov.
Qazirgi ýaqytta mas adam ustaldy jáne polıtsııaǵa jetkizildi, onyń áreketine quqyqtyq baǵa berilip, shara qoldanylatyn bolady.
Áıeli bolsa, kúıeýine qatysty resmı aryz jazýdan bas tartty. Polıtsııa basqarmasy bastyǵynyń aıtýynsha, bul turmysy nashar otbasy retinde tirkelgen otbasy eken.
