Almatyda uıǵyr ultynyń ókilderi saılaýǵa ulttyq kıimmen keldi

ALMATY. QazAqparat – Almatyda «Dostyq» uıǵyr shaǵynaýdanynyń ókilderi saılaýǵa óz ulttyq kıimimen keldi, dep habarlaıdy QazAqparat tilshisi.

Gýncham Qudaıbergenova qazaqstandyqtardy saılaý kúnimen jáne kele jatqan Naýryz meıramymen quttyqtady.

«Barlyq qazaqstandyqtardy búgingi saılaý kúnimen quttyqtaımyn. Biz Qazaqstannyń órkendegenin qalaımyz. Depýtattarǵa úlken úmit artamyz. Sebebi, olar Pralament Májilisinde halyq atynan sóıleıtin bolady. Biz balalar men zeınetkerlerdiń jaǵdaıy jaqsy bolýy úshin daýys beremiz. Barshańyzdy kele jatqan Naýryz merekesimen quttyqtaımyn», - dedi Gýncham Qudaıbergenova.

Tamara Toqtybaqıeva saılaý kúni – qazaqstandyqtardyń ómirindegi óte mańyzdy kún ekenin atap ótti.

«Búgin bizdiń múddemizdi qorǵaıtyn bolashaq depýtattar úshin óz daýysymyzdy beremiz. Biz úshin bul oqıǵa óte mańyzdy. Bizdiń Qazaqstanymyz kópultty el, biz bir-birimizben bereke-birlik, yntymaqta ómir súrip otyrmyz. Biz balalarymyzǵa ózderiniń daýys berý quqyǵy men saılaýǵa barýdyń qajettligi týraly árqashan aıtyp otyramyz. Barshańyzǵa densaýlyq, sáttilik, beıbit aspan tileımin», - dedi ol.

Rızvangúl Amraeva «Dostyq» shaǵynaýdanynyń turǵyndary saılaýǵa belsendi túrde qatysatynyn aıtty.

«Kóńil kúıimiz óte jaqsy. Bizdiń shaǵyn aýdannyń barlyq turǵyndary saılaýǵa óte belsendi qatysady. Bizdiń uıǵyr halqy bul saılaýdan shette qalmady. Meniń oıymsha, búgingi saılaý keıin jaqsy nátıjesin beretin bolady. Biz balalarymyz ben urpaǵymyzdyń bolashaǵy úshin tańdaý jasaımyz», - dedi Rızvangúl Amraeva.