Almatyda úıdiń qorshaýǵa alynǵany týraly aqparat anyqtalyp jatyr
ALMATY. QazAqparat - Almaty qalasy ІІD resmı ókili Saltanat Ázirbek Almatyda jol-patrýl polıtseıleri tarapynan júrgizilgen shara arnaıy operatsııa emes, anyqtaý sharasy ekenin aıtty, dep habarlaıdy QazAqparat tilshisi.
«Bul arnaıy operatsııa emes. Jetisý aýdanynda turatyn turǵyn 102 nómirine soǵyp, «mende qarý bar» degen de, telefondy qoıa salǵan. Mekenjaı boıynsha jol-patrýl polıtsııasy bardy. Esik jabyq. Qazir tekserý jumystary júrgizilip jatyr. Adam mas bolǵannan keıin aıtqan bolýy múmkin, ony da joqqa shyǵarmaımyz», - dedi Saltanat Ázirbek.
Aıta keteıik, buǵan deıin birqatar BAQ-ta Almaty qalasy Týrkmenskaıa kóshesi №27 úıde arnaıy operatsııa júrgizilip jatqany habarlanǵan bolatyn.
