Almatyda úıdiń kireberis esigi balanyń ústine qulap tústi

ALMATY. QazAqparat – Almatyda «Alma Sıtı 2» turǵyn úı kesheninde podezd esigi balanyń ústine qulady, dep habarlaıdy QazAqparat tilshisi.

«Alma Sıtı 2» páter ıeleri kooperatıviniń tóraǵasy Qanat Qaıyrbaevtyń aıtýynsha, úı turǵyndary esikti abaılamaı, uqypsyz paıdalanǵan.

«Osyǵan baılanysty podezd esigi synǵan. Bul óz kezeginde tótenshe jaǵdaıǵa sebep boldy. Esikti uqypsyz, qalaı bolsa solaı paıdalanǵan adamdardyń kim ekeni anyqtalyp jatyr», - deıdi PIK tóraǵasy.

Almaty qalalyq qoǵamdyq densaýlyq saqtaý basqarmasy balanyń aýrýhanaǵa jetkizilgenin, jaǵdaıy birqalypty habarlady.

«Bala jedel járdem kóligimen N2 balalar qalalyq klınıkalyq aýrýhanasyna jetkizildi. Oǵan medıtsınalyq apparatpen tekserý jasaldy, ıaǵnı balanyń basyna KT jasaldy. Aýrýhanaǵa jatqyzatyndaı kórsetilim bolǵan joq, usynys boıynsha ambýlatorııalyq emdelýge jiberildi. Balanyń aqyl-esine zaqym kelmegen», - dep habarlady vedomstvo.