Almatyda úıdiń aýlasynda kólik balany qaǵyp ketti

ALMATY. QazAqparat- Almatyda «Alma City» turǵyn úı kesheniniń aýlasynda Daewoo Nexia kóliginiń júrgizýshisi 7 jasar balany qaǵyp, oıyn alańyna kirip ketti, dep habarlaıdy QazAqparat tilshisi.

Onyń vıdeosy áleýmettik jelide paıda boldy.

Almaty qalalyq Polıtsııa departamentiniń málimetinshe, jol apaty 20 mamyr kúni keshki saǵat 18:30 shamasynda «Alma City» shaǵyn aýdanynda boldy.

«Daewoo» markaly kóliktiń júrgizýshisi ishki aýlamen batys baǵytta kele jatyp, 7 jasar balany qaǵyp ketti. Ol dene jaraqatymen qalalyq aýrýhanalardyń birine jetkizildi. JKO deregin Naýryzbaı aýdandyq polıtsııa basqarmasy tergep jatyr»,- dep habarlady Almaty qalalyq PD baspasóz qyzmetinen.

Buǵan deıin «Alma City 2» turǵyn úı kesheninde podezd esigi balanyń ústine qulap, ony basyp qalǵan bolatyn.