Almatyda úıdiń 6-shy qabatynan qulaǵan qyrǵyz tilshisi G. Pavlıýktiń isi boıynsha jedel-tergeý toby qurylyp, sot saraptamasy taǵaıyndaldy - ІІM
ASTANA. Jeltoqsannyń 21-i. QazAqparat /Jasulan Amanbaıuly/ - Almatyda úıdiń 6-shy qabatynan qulaǵan qyrǵyz tilshisi Gennadıı Pavlıýktiń isi boıynsha jedel-tergeý toby qurylyp, sot saraptamasy taǵaıyndaldy.
Bul týraly búgin aptalyq brıfıngte ІІM-niń Til saıasaty jáne aqparat departamentiniń bastyǵy Qýanyshbek Jumanov málimdedi, dep habarlaıdy QazAqparat.
Eske sala keteıik, jeltoqsannyń 16-sy kúni Almatyda qyrǵyz jýrnalısi G. Pavlıýk aýyr halde aýrýhanaǵa jetkizilgen bolatyn. Ol qol-aıaǵy skotchpen baılanyp Fýrmanov kóshesindegi úıdiń 6-shy qabatynan laqtyrylǵan.
Jýrnalıst terezesinen qulaǵan páter jaldamaly bolǵan. Ony tekserý barysynda tilshi turyp jatqan «Qazaqstan» qonaqúıindegi bólmesiniń kilti men bir orama skotch jáne noýtbýkke arnalǵan bos sómke tabyldy. Qulaǵan adamnyń jýrnalıst G.Pavlıýk ekendigin qaltasyndaǵy qyzmettik kýáligi arqyly bilý múmkin bolǵan. Qazir qyrǵyz tilshisi óte aýyr halde aýrýhananyń jansaqtaý bóliminde jatyr. Qazirgi ýaqytta jýrnalısttiń bul páterge qalaı jáne kimmen kelgeni anyqtalýda.
G.Pavlıýk Qyrǵyzstandaǵy «Argýmenty ı fakty» basylymynda, «KP-Qyrǵyzstan» gazetinde tilshi bolǵan. Keıin «Belyı parohod» ınternet-gazetiniń bas redaktory qyzmetin atqaryp júrgen.
