Almatyda úıden órt shyǵyp, eki adam mert boldy
ALMATY. QazAqparat – Almatyda úıden órt shyǵyp, eki adam mert boldy, dep habarlaıdy QazAqparat tilshisi.
Oqys oqıǵa 12 sáýir kúni Medeý aýdanynda bolǵan. Órt sóndirý qyzmetine Sazanovskaıa kóshesindegi № 68 úıdiń janyp jatqany jóninde habar saǵat 21:08 – de túsken.
«Órt sóndirý bólimi órt shyqqan jerden 1,5 km qashyqtyqta ornalasqan. Sondyqtan alǵashqy brıgada 5 mınýtta jetti. Osy ýaqytta úı otqa oranyp úlgergen. Qutqarýshylar janyp jatqan úıden eki adamdy alyp shyqty. Olar 1998 jyly týǵan er adam jáne 1989 jyly týǵan áıel adam»,– dep habarlaıdy qalalyq TJD baspasóz qyzmeti.
Ekeýide birden dárigerlerdiń qolyna tabystalǵanmen, aman alyp qalý múmkin bolmady.
Órt 15 mınýt ishinde sóndirildi. Qyzyl jalyn 60 sharshy metr aýmaqty sharpyǵan. Qyzyl jalyndy aýyzdyqtaýǵa 21 órt sóndirýshi men 4 tehnıka jumyldyryldy.
