Almatyda úı órtenip, 1 gaz ballony shyǵaryldy
ALMATY. QazAqparat - Almatyda órtke oranǵan úıden órt sóndirýshiler 1 gaz ballonyn alyp shyqty, dep habarlaıdy QazAqparat tilshisi.
Tótenshe jaǵdaı Naýaı 153 mekenjaıynda boldy. Abyroı bolǵanda, órt tutanǵanda úıde eshkim bolmaǵan.
Oqıǵa ornyna jedel jetken órt sóndirýshiler japsarlas turǵan eki úıdi aman saqtap qaldy. Tilsiz jaý 150 sharshy metr aýmaqty sharpydy.
Qazir polıtsııa qyzmetkerleri joldy jaýyp, kólikterdi qaýipsiz jerge jyljytyp jatyr.
Aldyn ala anyqtaý boıynsha órt qysqa tuıyqtalýdan shyqqan.
