Almatyda úı qorshaýyna soǵylǵan kólik júrgizýshisi mert boldy
ALMATY. QazAqparat - Almatyda SubaruForester avtomobıliniń júrgizýshisi rýlge ıe bola almaı, turǵyn úıdiń kirpishten qalanǵan dýalyn soqqan.
Apat saldarynan er adam qaza tapty, dep habarlaıdy «QazAqparat» HAA tilshisi oqıǵa ornynan.
Belgili bolǵandaı, sheteldik markaly mashına Postýshev kóshesiniń boıymen sol jaq baǵytqa bara jatqan. Shamasy, júrgizýshi rýlge ıe bola almaı, úıdiń qorshaýyna soǵylǵan.
32 jastaǵy er adam sol jerde qaza tapty. Úı búlinbegen, tek kirpish dýal qıraǵan.
Apattyń mán-jaıyn Almaty polıtsııasy anyqtap jatyr.
