Almatyda úı kezeginde turǵan adamdy tizimnen zańsyz shyǵaryp jibergen
ALMATY. QazAqparat - Almaty turǵynyn áleýmettik úı kezeginen zańsyz shyǵaryp tastaǵan, dep habarlaıdy QazAqparat.
Qalalyq sottyń resmı saıtynyń málimetinshe, Almaty qalasy Jetisý aýdandyq sotynda B. atty aryzdanýshynyń azamattyq isi qaralǵan.
Ol sotqa memlekettik organnyń turǵyn úıge muqtaj adamdy tirkeýden shyǵarý týraly sheshimin zańsyz dep taný jáne zańbuzýshylyqtardy joıý jóninde aryz bergen.
Ótinish aryz berýshiniń áleýmettik qorǵalatyn (tolyq emes otbasy) sanatynda tirkelgendigimen jáne turǵyn úı zańnamasyna sáıkes baspana alǵanǵa deıin tirkeýden shyǵarylmaýy tıis degen ýájine negizdelgen.
Іsti qaraý barysynda sot materıaldyq iske tirkelgen barlyq qujatty zerttedi.
Memorgannyń aryzdanýshyny tirkeýden shyǵarýyna negiz bolǵan zań normasy ol úıge kezekke turǵanǵa deıingi 12 aı ishinde oryndy bolǵan.
Sot usynylǵan dáleldemelerdi, istiń anyqtalǵan naqty mán-jaıyn baǵalap, olarǵa qoldanystaǵy zańnamanyń normalaryn qoldana otyryp, aryzdanýshynyń talabyn qanaǵattandyrdy.
ıAǵnı, sot aryz berýshi B-nyń dálelderin zańdy dep tanydy, al memlekettik organnyń turǵyn úıge muqtajdar tiziminen shyǵarý áreketin zańsyz dep tapty.
