Almatyda úı karantınin buzǵan 196 adamǵa aıyppul salyndy

ALMATY. QazAqparat – Almatyda 14 kúndik úı karantınin buzǵan 196 turǵynyna aıyppul salyndy, dep habarlaıdy QazAqparat tilshisi.

«Ashyq arqyly 14 kúndik úı karantınin buzǵan 196 almatylyq ákimshilik jaýapqa tartyldy jáne aıyppul tóledi (30 AEK), onyń ishinde úsh turǵyn eki ret tóledi», - dep habarlady sanıtarlyq-epıdemıologııalyq baqylaý departamentinen.

«Qyzyl» mártebedegi adamdar Ashyq jobasy boıynsha jumys isteıtin nysandarǵa kirgizilmedi.

Quqyq buzýshylardyń tolyq tizimin myna jerden tabýǵa bolady.

Eske salaıyq, Almatyda epıdemıologııalyq jaǵdaı áli de kúrdeli. Megapolıs «qyzyl» aımaqta. 19 tamyz kúngi aqparat boıynsha, bir táýlikte qalada 1 555 adam koronavırýs juqtyrǵan. Munyń ishinde sımptomdy, jeńil jáne ortasha deńgeıdegi belgilermen – 1 440, sımptomsyz – 115 naýqas tirkeldi.