Almatyda úı karantınin buzǵan 13 adamǵa aıyppul salyndy

ALMATY. QazAqparat – Almatyda úı karantınin buzǵan «qyzyl» mártebesi bar 13 adamǵa aıyppul salyndy, dep habarlaıdy QazAqparat tilshisi.

«Ashyq arqyly 14 kúndik úı karantınin buzǵan 13 almatylyq ákimshilik jaýapkershilikke tartyldy jáne aıyppul (30 AEK) tóledi», - dep habarlady Sanıtarııalyq-epıdemıologııalyq baqylaý departamentinen.

«Qyzyl» mártebedegi adamdar Ashyq jobasy boıynsha jumys isteıtin nysandarǵa kirgizilmeıdi.

Quqyq buzýshylardyń tolyq tizimin myna jerden kórýge bolady.

Sanıtarııalyq-epıdemıologııalyq baqylaý departamenti ambýlatorlyq em alyp jatqan azamattardy ózin-ózi oqshaýlaý rejımin buzbaýǵa jáne qoǵam aldynda azamattyq jaýapkershilikti umytpaýǵa shaqyrady.

Juqtyrǵandarmen baılanysta bolǵan adamdar da ózin-ózi oqshaýlaý rejımin saqtaýy jáne basqa adamdardyń juqtyrýyn boldyrmaý úshin adamdar jappaı jınalatyn oryndarǵa barýdan bas tartýy tıis.