Almatyda úı karantınin buzǵan 121 adamǵa aıyppul salyndy
«Ashyq arqyly 14 kúndik úı karantınin buzǵan 121 almatylyq ákimshilik jaýapqa tartyldy jáne aıyppul (30 AEK) tóledi», - dep habarlady sanıtarlyq-epıdemıologııalyq baqylaý departamentinen.
COVID-19 úshin PTR testi oń nátıjesin bergen almatylyqtar qoǵamdyq oryndarǵa baryp, «ASHYQ» boıynsha jumys isteıtin nysandarda-HQKO, meıramhana, fıtnes-ortalyqtar, áýejaı, kınoteatrlar, kompıýterlik klýbtar, basseınder,SOO, bazarlar, teatrlar jáne taǵy basqa nysandardyń qyzmetterin paıdalanýǵa tyrysqan.
«Qyzyl» mártebedegi adamdar Ashyq jobasy boıynsha jumys isteıtin nysandarǵa kirgizilmedi.
Quqyq buzýshylardyń tolyq tizimin myna jerden tabýǵa bolady.
Sanıtarııalyq-epıdemıologııalyq baqylaý departamenti ambýlatorlyq em alyp jatqan azamattardy ózin-ózi oqshaýlaý rejımin buzbaýǵa jáne qoǵam aldynda azamattyq jaýapkershilikti umytpaýǵa shaqyrady.
Juqtyrǵandarmen baılanysta bolǵan adamdar da ózin-ózi oqshaýlaý rejımin saqtaýy jáne basqa adamdardyń juqtyrýyn boldyrmaý úshin adamdar jappaı jınalatyn oryndarǵa barýdan bas tartýy tıis.
