Almatyda ústel tennısinen Qazaqstan chempıonaty bastaldy
ALMATY. QazAqparat – Almatydaǵy ADD Ústel tennısi ortalyǵynda Qazaqstan jasóspirimder chempıonatynyń matchtary bastaldy. Bul týraly QazAqparat Ulttyq olımpıada komıtetine silteme jasap habarlaıdy.
Komandalyq týrnırde tennısshiler shaǵyn topqa bólinip oınady. Odan úzdik shyqqan eki qurama fınaldyq segizdikke enip, medal úshin talasyp jatyr. Qyzdar arasynda: Astana, Almaty, Shymkent qalalary, Abaı, Batys Qazaqstan, Qaraǵandy, Mańǵystaý, Túrkistan oblystary.
Uldar arasynda: Astana, Almaty, Shymkent qalalary, Aqtóbe, Batys Qazaqstan, Qaraǵandy, Mańǵystaý, Túrkistan oblystary.
