Almatyda ústel tennısinen Hopes Week týrnıri ótedi
ALMATY. QazAqparat – Búgin Almatyda kadetter arasynda ústel tennısinen Hopes Week aýqymdy respýblıkalyq týrnıri bastalady. Bul týraly QazAqparat Ulttyq Olımpıadalyq komıtetine silteme jasap habarlaıdy.
22 qarashaǵa deıin Nur-Sultan, Almaty, Shymkent qalalarynyń jáne oblys ortalyqtarynyń jas sportshylary testileýden ótip, tájirıbeli tálimgerlermen birge jattyǵady. 23 jáne 24 qarasha kúnderi bolatyn irikteý týrnırinde Ortalyq Azııa elderi Hopes Week halyqaralyq jattyǵý lagerine qatysýǵa joldama alatyn myqtylar anyqtalady.
Olardyń arasynda basty úmitkerler mynalar: Vıktorııa Mochalkına (Qaraǵandy) – Qazaqstan chempıony, Qasym Nurıslam (Shymkent) – el chempıonatynyń qola júldegeri, Ramazan Názir (Túrkistan) – komandalyq jarysta respýblıkalyq chempıonattyń kúmis júldegeri, Baqdáýlet Sáýirbaı (Shymkent) – «Altyn kúz 2019» halyqaralyq týrnıriniń kúmis júldegeri.
