Almatyda ústel tennısi ortalyǵy ashyldy
ALMATY. QazAqparat - Alataý aýdanynda ústel tennısi ortalyǵy ashyldy. Bul týraly Óńirlik kommýnıkatsııalar qyzmetiniń brıfınginde aýdan ákiminiń orynbasary Ertis Besirov málim etti, dep habarlaıdy QazAqparat tilshisi.
«Nurkent» shaǵynaýdanynda ústel tennısi ortalyǵy ashyldy. Ortalyqtyń negizgi zaly - 20, jattyǵý zaly - 8 tennıs ústelimen jabdyqtalǵan. Zalda kórermenderge arnalǵan 328 oryn bar. Sondaı-aq 2020-2021 jyldary salynǵan fýtbol alańdarynda jattyqtyrýshylar tegin jattyǵýlar ótkizedi», - dedi Ertis Besirov.
Spıkerdiń sózinshe, aýdandaǵy Alatau Creative Hub ortalyǵynda balalar tegin úıirmeler men sektsııalarǵa qatysa alady.
«Sport jáne mádenıet baǵyttary boıynsha tegin oqytatyn 9 aýla klýby jumys isteıdi. Al, «Alatau Creative Hub» mádenı-bilim berý ortalyǵy balalardy tegin úıirmelerge qabyldaıdy»,- deıdi ol.
Ertis Besirovtyń aıtýynsha, jaqynda aýdan turǵyndarymen sporttyq jáne shyǵarmashylyq úıirmelerin ashý úshin mádenıet úıiniń ǵımaratyn satyp alý máselesi talqylandy.
«Búgingi kúni menshik ıesimen ǵımaratty satyp satyp alý úshin qujattamany resimdeý boıynsha jumystar júrgizilýde. Ǵımaratty satyp alǵannan keıin Almaty qalasynyń tıisti basqarmalarymen birlesip úıirmeler ashý josparlanýda», - deıdi spıker.
Budan bólek, «Shyńǵa órleý» jáne «Belsendi uzaq ómir» áleýmettik ortalyqtary bazasynda birlesken úıirmeler ashý kózdelgen.
«Sondaı-aq, Almaty qalasy Qurylys basqarmasynyń tapsyrysy boıynsha «Nurkent» shaǵynaýdanynda mektep jasyna deıingi balalarǵa arnalǵan ınnovatsııalyq shyǵarmashylyq ortalyǵynyń, jabyq jáne ashyq korttary bar tennıs ortalyǵy men «Zerdeli» shaǵynaýdanynda dene shynyqtyrý-saýyqtyrý kesheniniń qurylysy júrgizilýde»,- dep atap ótti ol.
Foto: metaratings.tj
