Almatyda ustazdar kúnine arnalǵan merekelik shara ótti

Ustazdardy kásibı merekelerimen quttyqtaǵan aýdan ákimi Bekqalı Torǵaev: "Ustaz qaı kezde bolmasyn oqý-tárbıe úrdisinde keler urpaqtyń oı-órisi men rýhanı damýyna belsendi yqpal jasaıtyn basty tulǵa bolyp tabylady. Ustaz balalarǵa eń basty jáne qymbat baılyq - bilim beredi. Bolashaqtyń darasy men danasyn ata-anadan soń muǵalim tárbıeleıdi. Sondyqtan, keler urpaqtyń uly bolýy da, umyt bolýy da ustazǵa baılanysty", dedi.

Ol sonymen qatar, aýdan zaman talabyna saı balabaqshalarymen, mektepterimen, eńbegi sińgen ustazdarymen jáne bilimdi shákirtterimen maqtana alady dep atap ótti. "2009-2010 oqý jylynda aýdan boıynsha 50 (ótken jyly 30) oqýshy "Altyn belgige" jáne 66 (26) oqýshy "Úzdik attestatqa» ıe boldy. Bıylǵy biryńǵaı ulttyq testileý qorytyndysy boıynsha ortasha kórsetkish 90,12 (ótken jyly 76,1) balǵa jetti. Bul qala aýdandary boıynsha eń joǵary kórsetkish. Sonymen qatar, ótken oqý jylynda qala boıynsha 68 oqýshy halyqaralyq olımpıadalarǵa qatyssa, onyń 52-si bizdiń aýdannyń oqýshylary boldy. Olardyń 34-i halyqaralyq olımpıadalardan júldelermen oraldy. Bul oraıda №173-shi fızıka-matematıkalyq mektep-gımnazııasynyń oqýshysy Ábdimálik Jansaıanyń shahmattan álem chempıony atanǵandyǵyn atap ótkim keledi", dedi Bekqalı Torǵaev.

Ol sondaı-aq, qalalyq "Jyl tárbıeshisi", "Jyl muǵalimi" baıqaýynyń jeńimpazdary Áýezov aýdanynyń muǵalimderi atanǵandyǵyn atap ótti.

Saltantty jıyn barysynda aǵartýshylyq salasy men bilim berý jolynda belsendi qyzmet jasaǵan birqatar ustazdar qala ákimi Ahmetjan Esimovtyń jáne aýdan ákiminiń qurmet gramotalarymen marapattaldy. Sonymen qatar, bilim jáne ǵylym jolynda aıanbaı eńbek etip kele jatqan 24 ustazǵa Áýezov aýdany ákiminiń alǵys hattary tabystaldy.

Aýdannyń ardager ustazdary jas ustazdardy jańa bastaǵan qyzmet joldarymen quttyqtady.

Merekelik shara kontserttik baǵdarlamamen jalǵasty.