Almatyda ustaz balalar úıi tárbıelenýshileriniń qarjysyn jymqyrdy degen kúdikke ilindi
ALMATY. QazAqparat – Polıtsııa tárbıelenýshilerdiń qarjysyn ysyrap qyldy degen kúdikpen Almaty oblystyq balalar úıiniń áleýmettik pedagogyn ustady, dep habarlaıdy QazAqparat tilshisi Polisia.kz saıtyna silteme jasap.
Arnaıy qurylǵan jedel tergeý toby 30 jastaǵy M. esimdi azamatty Taraz qalasynda ustady. Almaty oblystyq balalar úıiniń áleýmettik pedagogy Almaty qalasyna jetkizildi.
Bul is QR QK 189-baby (senip tapsyrylǵan bóten múlikti ıelenip alý nemese ysyrap etý) boıynsha sotqa deıingi tergeýdiń biryńǵaı tiziliminde tirkelip, kúdiktiniń isin qaraý Almaty qalasy boıynsha Ekonomıkalyq tergeý departamentine berildi.
