Almatyda ustalǵan qyrǵyzstandyqtarǵa aıyp taǵyldy - arnaıy operatsııa

ALMATY. QazAqparat - Almatyda arnaıy operatsııa kezinde qolǵa túsken qyrǵyzstandyqtar Almaly aýdandyq sotynyń sanktsııasymen eki aıǵa qamaýǵa alyndy, dep habarlaıdy QazAqparat tilshisi.

Qalalyq sottyń baspasóz qyzmetiniń habarlaýynsha, olarǵa QR QK 234-baby 3-bóligi, 2-tarmaǵy (Memlekettik fýntsııa atqarýǵa ókiletti tulǵanyń Eýrazııalyq ekonomıkalyq odaǵynyń kedendik shekaralary arqyly iri kólemdegi taýar nemese quraldardy tasymaldaýy) jáne QR QK-niń 236-baby 2-bóligi boıynsha (Trans ulttyq uıymdasqan topqa nemese uıymǵa qatysý) kúdikti retinde aıyp taǵylyp otyr. 

Buǵan deıin habarlanǵandaı, arnaıy operatsııa Qazaqstannyń 3 oblysy men Almaty qalasynda júrgizilgen bolatyn. Shara barysynda 35 kúdikti qolǵa tústi. Onyń úsheýi Qyrǵyz Respýblıkasynyń azamaty.