Almatyda ustalǵan alaıaq óziniń burynǵy qylmystaryn moıyndady
TALDYQORǴAN.QazAqparat - Almaty qalasynda ustalǵan alaıaq óziniń burynǵy qylmystaryn moıyndady. 34 jastaǵy kúdiktiniń adamdy tonaý faktisine qatysy bar ekeni anyqtaldy, dep habarlaıdy QazAqparat tilshisi.
1983 jylǵy er azamat óziniń Almaty oblysy aýmaǵynda birneshe qylmys jasaǵanyn, atap aıtqanda eki alaıaqtyq pen bir tonaý faktisin moıyndady.
«Kúdiktiniń 25 maýsymda Ońtústik Qazaqstan oblysynan Іle aýdanyna kelgen júk kóligi júrgizýshisiniń tonalýyna qatysy bary dáleldendi. Zardap shegýshige kúsh kórsetý arqyly 6 000 000 teńgesin alǵan. Sondaı-aq osy aýdannyń aýyl turǵyndaryna alaıaqtyq jasaǵan eki jaǵdaı belgili boldy», - dedi Almaty oblystyq ІІD baspasóz qyzmeti.
Qazirgi tańda kúdikti qamaýǵa alynyp, tergeý amaldary jalǵasýda.
