Almatyda ustalǵan alaıaq kóripkeldi psıhıatrııalyq aýrýhanaǵa jiberdi
ASTANA. QazAqparat - Alaıaqtyǵyn qarjy polıtseıleri ashqan almatylyq kóripkel psıhıatrııalyq aýrýhanaǵa jiberildi, dep habarlady «Astana» arnasy.
«Medeý aýdandyq sotynyń úkimimen bul azamat qylmystyq jaýapkershilikten bosatylyp, emdelý úshin psıhıatrııalyq aýrýhanaǵa jóneltildi», dedi Almaty qarjy polıtsııasy departamenti baspasóz qyzmetiniń jetekshisi Jaqsylyq Jaqybaev.
Eske sala keteıik, alaıaq pen onyń joldasyn ótken jyly mamyr aıynda qolǵa túsirgen. Er adam qomaqty aqshaǵa dýadan qutqaryp, til-kózden saqtaýǵa sóz bergen. Óziniń «ekstrasensorlyq» múmkindikterin qarapaıym elektronıka arqyly kórsetken. Alaıda adamdar muny ańǵarmaǵan. Qolǵa túsken alaıaq tergeýshige 20 myń dollar usynyp, jaýapkershilikten qutylmaqqa árekettengen. Bul úshin onyń ústinen taǵy bir qylmystyq is qozǵaldy.
