Almatyda ushaqtyń jerge soǵylyp qonýy: Tekserý júrgizilýde
ALMATY. QazAqparat - Búgin Almaty áýejaıynda ushaq jerge soǵylyp qondy. Bul oqıǵaǵa qatysty QR Investıtsııalar jáne damý mınıstrliginiń Azamattyq avıatsııa komıteti túsinikteme berdi, dep habarlaıdy QazAqparat tilshisi.
«26 shildede SCAT (Sunday Airlines) áýe kompanııasynyń Hýrgada-Almaty baǵytyndaǵy 5038 reısi ushaǵynyń qonýy kezinde artqy bóligi jerge soǵylǵan. Qazirgi tańda áýe kompanııasy shtattyq rejımde jumys jasap jatyr. Atalǵan oqıǵa boıynsha quzyrly organdar tekserý jumystaryn júrgizýde», - dedi komıtetten.
Vedomstvonyń habarlaýynsha, ushaq Almaty áýejaıynda jergilikti ýaqyt boıynsha 22:48-de sátti qondy. Bortta 233 jolaýshy - 163 eresek, 70 bala, 3 náreste bolǵan.
