Almatyda ushaqtyń qulaýyna baılanysty tergeý jumystary bastaldy - prokýratýra

ALMATY. QazAqparat - QR Bas kólik prokýratýrasynyń baspasóz qyzmeti Almaty mańynda «Tehnam 2002» ushaǵynyń qulaýyna baılanysty tergeý jumystary bastalǵanyn jarııalady, dep habarlaıdy QazAqparat tilshisi.

«Atalǵan derek Almaty áýejaıynyń jelilik ishki ister bólimi tarapynan sotqa deıingi biryńǵaı tergeý isi reestrine tirkeldi. Qazir QR QK 344-babynyń 3-bólimimen sotqa deıingi tergeý jumystary júrip jatyr (áýe kóligin júrgizý men paıdalaný qaýipsizdigi erejeleriniń buzylýy)», - dedi baspasóz qyzmetinen.

Aıta ketý kerek, tótenshe jaǵdaı búgin bolǵan. Almatyǵa jaqyn jerde AZEM aerodromy mańynda «TEHNAM 2002» ushaǵy apatqa ushyrady. Ushaq 9:53-te oqý-jattyǵý jumystary kezinde qulaǵan.

Bortta bolǵan 40 jastaǵy ushqysh S.Kýrchenko men 21 jastaǵy kýrsant E.Ábishev oqıǵa ornynda kóz jumdy.

Áýe kemesi Azamattyq avıatsııa akademııasyna tıesili.