«Almatyda ushaqtan órt shyqty» – Avıatsııa komıteti túsinik berdi

ASTANA. QazAqparat – Keıbir BAQ betterinde Almatynyń áýejaıynda ushaqtan órt shyqty degen aqparat tarady. Azamattyq avıatsııa komıteti derekke qatysty resmı túsinik berdi, dep habarlaıdy QazAqparat tilshisi.

«Air Astana áýe kompanııasynyń ushaǵyna qatysty buqaralyq aqparat quraldaryndaǵy aqparat boıynsha Almaty áýejaıynda órttiń bolmaǵanyn habarlaımyz.

Almaty halyqaralyq áýejaıynyń aqparatyna sáıkes, reglamenttik jumystardy júrgizý kezinde qosalqy kúsh qondyrǵysynyń jumysynan tútin shyqqan», - delingen avıatsııa komıtetiniń habarlamasynda.

Resmı habarlamada aıtylǵandaı, áýejaı shtattyq rejımde jumys istep tur.