Almatyda úsh jasóspirim koronavırýstan jazylyp, úıine shyqty
ALMATY. QazAqparat – Almatyda búgin koronavırýs ınfektsııasynan tolyq saýyqqan 9 patsıent statsıonardan shyǵaryldy, dep habarlaıdy QazAqparat tilshisi.
Qalalyq qoǵamdyq densaýlyq saqtaý basqarmasy baspasóz qyzmetiniń habarlaýynsha, jazylǵandardyń beseýi - áıel, bireýi - er adam bolsa, qalǵany - kámelet jasyna tolmaǵan 16 jastaǵy 2 jasóspirim men 17 jastaǵy qyz.
«Onyń tórteýi - 27 naýryzda Sankt-Peterbordan, ekeýi - 24 naýryzda Dýbaıdan jáne Máskeýden, bireýi - 20 naýryzda Ystanbul-Tbılısı-Almaty charterlik reısimen ushyp kelgen jáne ekeýi ınfektsııa juqtyrǵan adammen baılanysta bolǵan», - deıdi Almaty qalasy qoǵamdyq densaýlyq saqtaý basqarmasynyń basshysy Tileýhan Ábildaev.
Naýqastar aýrýhanada 16-18 kún emdelgen. Olardyń barlyǵy 14 kúndik úı karantınine shyǵaryldy.
Dál qazirgi sátte Qazaqstanda 81 adam, onyń ishinde Almatyda 37 naýqas koronavırýs ınfektsııasynan jazylǵan.
