Almatyda úsh jańa avtovokzal salynady
ALMATY. QazAqparat- Almatyda taıaý jyldarda úsh jańa avtovokzal salynady. Bul týraly búgin Almatyda jýrnalıstermen ótken kezdesýde Almaty qalasy ákiminiń orynbasary ıÝrıı Ilın málimdedi.
«Almaty keńeıip jatyr. Sondyqtan, qalaǵa jańa avtovokzaldar qajet. Bul ońtústik astananyń ınfraqurylymyn edáýir jaqsartýǵa septigin tıgizedi. Sonymen, jańa avtobeketterdiń biri Almatynyń batys jaǵynda, qaladan shyǵa beristegi Qalqaman shaǵynaýdanyndaǵy aýrýhana mańyna salynady. Ol jerge bolashaqta metro jelisiniń de tartylatyndyǵyn aıta ketkim keledi. Ekinshi vokzal Rysqulov dańǵyly men Qulja trassasynyń qıylysy mańynda boı kóteredi. Al úshinshi avtobeket Almatydan Qapshaǵaı qalasyna qaraı shyǵa beriste, Іle aýdanyna qarasty Pervomaı kentiniń tusyna salynady», - dedi ıÝ. Ilın.
Qala ákiminiń orynbasary sondaı-aq Alataý aýdanynda, qala boıynsha osymen úshinshi jańa mýnıtsıpaldyq avtobýs parkiniń salynatyndyǵyn jetkizdi. Odan basqa, «Almaty-Qorǵas» magıstraldy kúrejolyn salý jumysy odan ári jalǵasýda.
