Almatyda úsh jańa avtobýs marshrýty iske qosylady

ALMATY. QazAqparat - Metropolıtenniń jańa stansalarynyń iske qosylǵanyn eskere otyryp qalanyń batys bóligindegi marshrýt jelisin túzetý jumystary aıasynda úsh jańa marshrýt ashý josparlanyp otyr. Sonymen qatar qoldanystaǵy toǵyz marshrýt syzbasyna ózgerister engiziledi, dep habarlaıdy QazAqparat.

15 tamyzdan bastap Abaı shaǵynaýdanynan Karernaıa kóshesi arqyly Momyshuly metro stantsııasyna deıin júretin №49 jáne Asyl arman yqshamaýdanynan Besaǵash shaǵyn aýdanyna deıin qatynaıtyn №100 marshrýttardy ashý josparlanǵan.

Sonymen qatar 30 tamyzdan bastap Kemertoǵan shaǵym aýdanynan Momyshuly metro stantsııasyna deıin qatynaıtyn №53 marshrýtty iske qosý josparda bar.

Qoldanystaǵy №137 marshrýt ekige bólinetin bolady. Batys bólikte Naýryzbaı aýdanynyń ákimshilik ortalyǵynan Adem SO deıin qysqartylǵan №137 marshrýt qalady, al shyǵys bólikte Adem SO men Qaırat shaǵynaýdany aralyǵynda №138 qatynaıdy.

Marshrýtty 15 tamyzdan bastap bólý josparlanyp otyr.

№55 marshrýt metro stantsııalaryna deıin jetkizýshi retinde ashylyp, bastapqyda ony Momyshuly stantsııasyna deıin qysqartý josparlanǵan bolatyn. Alaıda jolaýshylar tarapynan suranystyń joǵary ekendigin eskere otyryp, marshrýtty Altynsarın dańǵylynan keri burý týraly sheshim qabyldandy.

№110 marshrýt 10 tamyzdan bastap bir aıaldamaǵa uzartylyp, Momyshuly metro stantsııasymen baılanystyrylatyn bolady.

№212 marshrýtty 15 tamyzdan bastap qala ortalyǵyna deıin qysqartý josparlanǵan. Endi marshrýt Jandosov eldi mekeninen Saın-Jandosov kósheleri qıylysyna deıin júredi .

Sonymen qatar 15 tamyzdan bastap №78 marshrýt Almatyǵa soltústik batys bólikten kiretin qala mańy turǵyndary úshin Momyshuly metro stantsııasyna jetkizetin marshrýt bolady. Al №23 marshrýt Almaty-2 temir jol vokzalyna deıin qysqartylady.