Almatyda úsh tilde erkin sóıleıtinderdiń baıqaýy ótýde

ALMATY. QazAqparat - Almatyda qazaq, orys, aǵylshyn tilderin meńgergen jastar arasyndaǵy «Tildaryn» baıqaýy ótip jatyr, dep habarlaıdy «QazAqparat» HAA tilshisi.

Baıqaýǵa qatysýshylar tańdalǵan taqyryp boıynsha jasaǵan ázirlemelerin usynyp, shyǵarma jazýy jáne berilgen mátindi aýyzsha baıandaýy tıis boldy.

«Qatysýshylar ózderiniń til baılyǵyn, úsh tilde saýatty sóıleý daǵdysyn kórsetýi tıis. Baıqaýǵa qatysýshylar berilgen tapsyrmaǵa saı aldyn ala daıyndap kelgen aýdıo- jáne vıdeomaterıaldaryn paıdalana alady. Ár kezeńnen keıin qazylar alqasy az ball jınaǵandardy baıqaýdan shyǵaryp otyrady», - dedi uıymdastyrýshylar.

Baıqaýǵa belgili tilshiler, úkimettik emes uıymdardyń ókilderi, kásibı aýdarmashylar qazylyq etip jatyr. Birinshi, ekinshi jáne úshinshi oryndy alǵandar dıplom jáne estelik syılyqtarmen marapattalady.

Jeńimpaz respýblıkalyq baıqaýda Almatynyń namysyn qorǵaıtyn bolady.

Eske sala keteıik, «Tildaryn»  baıqaýy qaza, orys jáne aǵylshyn tilderin jetik meńgergen jastar arasynda «Rýhanı jańǵyrý» baǵdarlamasynyń aıasynda ótkizilip jatyr. Onyń maqsaty - memlekettik til saıasatyn jastar arasynda nasıhattaý, daryndy jastardy qoldaý, sondaı-aq jastardy qazaq, orys jáne aǵylshyn tilderin úırenýge yntalandyrý.

Aıta keteıik, Elbasy Nursultan Nazarbaev «Bolashaqqa baǵdar: rýhanı jańǵyrý» maqalasynda aǵylshyn tiliniń mańyzdylyǵyna toqtalǵan.

«Bir qaraǵanda, jer júzindegi mıllıardtan astam adam óziniń týǵan tilimen qatar, kásibı baılanys quraly retinde japatarmaǵaı oqyp jatqan aǵylshyn tilin bizdiń de jappaı jáne jedel úırenýimiz kerektigi esh dáleldeýdi qajet etpeı­tindeı», - dep jazady N.Nazarbaev.