Almatyda úsh myńǵa jýyq sheteldik avtokólik zańdastyryldy
ALMATY. QazAqparat - Almatyda búgingi tańda úsh myńǵa jýyq sheteldik avtokólik zańdastyryldy. Bul týraly Almaty qalalyq polıtsııa departamentiniń Ákimshilik polıtsııa basqarmasynyń bastyǵy, polıtsııa podpolkovnıgi Ashat Qulbaev aıtty, dep habarlaıdy QazAqparat tilshisi.
«Almatyda búgingi tańda úsh myńǵa jýyq sheteldik avtokólik zańdastyrý rásiminen ótti. Kúni keshe Almatydaǵy tórt mamandandyrylǵan HQO-da 125 kólik qazaqstandyq tirkeýge qoıyldy. Bul rette Eksterrıtorıaldylyq qaǵıdasy qoldanylady. Almaty qalasynda tirkelgen sheteldik kólikterdiń jalpy sanynan 880 kólik 05 aımaqtyń (Almaty oblysy), 475 – 08 aımaqtyń (Jambyl oblysy), 73 – 19 aımaqtyń (Jetisý oblysy), 57 kólik – 13 aımaqtyń (Túrkistan oblysy) jáne t.b. aımaqtardyń nómirlerin aldy. Bul jumys Memleket basshysynyń 2022 jylǵy 1 qyrkúıekke deıin Qazaqstan Respýblıkasyna ákelinetin sheteldik avtokólikterdi zańdastyrý týraly tapsyrmasyn iske asyrý aıasynda júrgizilýde», - dedi Almaty qalalyq polıtsııa departamentiniń Ákimshilik polıtsııa basqarmasynyń bastyǵy, polıtsııa podpolkovnıgi Ashat Qulbaev.
Eske salaıyq, 23 qańtardan bastap Qazaqstanda sheteldik avtokólikterdi zańdastyrý jumystary bastalǵan edi.
Sondaı-aq, Almatyda sheteldik kólikterdi zańdastyrý sharalary Almaty qalasyndaǵy №1 mamandandyrylǵan HQO - Saıaly shaǵyn aýdany, Aqqaınar kóshesi, 1, №2 mamandandyrylǵan HQO - Maılın kóshesi, 85, №5 mamandandyrylǵan HQO - Qulja dańǵyly, 9K, № 6 mamandandyrylǵan HQO – Kemel shaǵyn aýdany, Aqsýat kóshesi, 118 mekenjaıynda júrgiziletinin habarlaǵanbyz.
